Tez yurmoqchi bo'lsangiz — yolg'iz yuring, uzoqroq bormoqchi bo'lsangiz — hamroh bilan. Yo'l uzun... Keling, birga yuramiz.
Abdumalik IkromYo'lovchi · ilm.im × foyda.media
Ba'zi yo'llar tekis, ba'zilari tik — bu boshlanish nuqtamiz va borayotgan manzilimizga bog'liq.
Har kim o'zi turgan joyi va bormoqchi bo'lgan manzilidan kelib chiqib eng ma'qul yo'lni tanlaydi. So'ng yo'lga qarab tayyorgarlik ko'radi: kerakli buyumlarni, kerakli anjomlarni oladi. Va yurishni boshlaydi.
Mening yo'lim ikki sohada: ta'lim va media. Umrimni shunga bag'ishlayapman — hayot yo'lim shu :)
Manzilsiz yurish = sarson bo'lish. Manzil aniq bo'lsa, yo'ldagi chalg'ishlar kamayadi.
Mening manzilim aniq. Yo'lim haqida oldingi qismda aytganimdek, u ikki sohaga — ta'lim va mediaga — bog'liq. Manzillarim ham shu sohalarda.
Ilm va inson o'rtasidagi barcha to'siqlarni qo'ldan kelgancha olib tashlash. Shu sababli ilm.im ekotizimini quryapmiz.
ilm.im — barchasi ilmingiz uchun Manzil 02Uni iste'mol qilayotganlar uchun ham, yaratayotganlar uchun ham, undan foydalanayotganlar uchun ham manfaatli bo'lsin. Shu maqsadda foyda.media ekotizimini quryapmiz.
foyda.media — shunchaki media emas, foydaBu qoidalarni men o'ylab topmadim — ularni yo'lning o'zi o'rgatdi.
Oz-ozdan bo'lsa ham harakat qilish kerak. To'xtash — orqaga ketish bilan barobar.
Yo'lda ko'p narsa chalg'itadi. Bekatlarda qolib ketmang.
«Yo'l tani, yo'lga chiqsang, do'st tani» deb bekorga aytishmagan.
O'zingiz yurgan yo'lni izingizdan kelayotganlar uchun belgilab keting, o'rgating.
Yo'l oxirida bizdan foyda qolmasa — u shunchaki bosib o'tilgan masofa bo'lib qoladi.
«Yo'lga chiqsang, yaroqli chiq,
Yolg'iz chiqmay, hamrohli chiq.»
Yo'lda kimdir qo'shilsa, u shunchaki yonimizda yurmaydi. Yo'llarimiz birlashadi va u o'z yo'lidagi tajribasini, xatolarini, o'zi ko'rgan manzaralarini olib keladi. Shu daqiqadan boshlab ikkalamiz ham tezroq va to'g'riroq yurishni boshlaymiz.
Hamroh — shunchaki yonimizdagi inson emas. Yo'lda bir-birini qo'llab-quvvatlaydigan, sherigi bo'lmasa manzil ham totimaydigan odamni haqiqiy hamroh desak bo'ladi menimcha. Shu insonlar bilan hamroh bo'lish meni faqat va faqat xursand qiladi:
Shu yergacha ustozlarimiz yordami bilan keldik. Bundan buyog'iga ham ustozlarga juda muhtojmiz.
Bilimini tizimli ravishda minglab o'quvchiga yetkazmoqchi bo'lganlar — ilm (ilm.im) yo'lida hamroh bo'laylik.
Kontenti orqali vaqt bekorga sovurmay, foyda keltirmoqchi bo'lganlar — foyda.land orqali hamroh bo'laylik.
G'oyani ishlaydigan, qulay mahsulotga aylantiradiganlar. Ekotizim ular bilan tirik...
Yo'lda birga harakat qilsak — ikkimiz ham tezroq boramiz.
Kopirayter, video montajchi, dizayner, targetolog va shunga o'xshash mutaxassislar. Yoki shu sohaga qiziquvchi, o'rganishga ochiq, shijoatli insonlar.
Borayotgan manzilimiz bir, maqsadimiz bir, qadriyat va prinsiplarimiz bir bo'lgan — biz bilan hamroh bo'lmoqchi bo'lgan barcha. Biznes egasimisiz, mutaxassismisiz yoki shunchaki sohaga qiziqyapsizmi? Har qanday holatda ham hamroh bo'lishga imkoniyat bor. Jamiyatga ta'lim yoki media orqali manfaatli bo'lishni xohlasangiz — bo'ldi.
Yo'ldan yurarkanmiz, ikki tomonda ikki ekotizimni quryapmiz.
ilm.im — barchasi ilmingiz uchun!
Shunchaki media emas, foyda!
Ta'lim va media sohasida ishlayman. Kunimning katta qismi shu savollarga ketadi: qanday qilib ilm olishni yanada osonlashtirishimiz, yanada qulayroq qilishimiz va ko'proq odamning ilm olishiga sabab bo'lishimiz mumkin? Nima qilsak media va ijtimoiy tarmoqlar yanada foydali bo'ladi?
Bitta mahsulot bitta muammoni yechadi. Biz esa muammolar zanjirini yechmoqchimiz — shuning uchun alohida ilovalar emas, bir-birini qo'llab-quvvatlaydigan tizimlar quramiz.
Ushbu varaqa egasi yo'lni hamroh bilan bosib o'tishni to'g'ri deb biladi.
Yo'l uzun — shu sababli Siz bilan birga yurmoqchi.
Yo'l uzun. Keling, birga yuramiz :)
Ta'lim yoki media sohasida mutaxassismisiz, yoki shu sohalarga qiziqasizmi? Balki loyihangiz, startap yoki biznesingiz bordir? Yoki umuman boshqa sohadasiz-u, lekin hamroh bo'lmoqchimisiz? Quyidagi yo'llardan biri orqali aloqaga chiqsangiz bo'ladi.